Para Vigo nos vamos

De volta nestes lares novamente! Menos mal que Juliana se encargou de cubrir a miña ausencia.
As últimas semanas foron de moito traballo académico e, apesar de ter moitos asuntos dos que podería falar, non puiden sentarme con calma para escribir ata agora.

Comezando co principal: en menos de un mes Juliana e eu estaremos en Vigo. Levamos preparando esta viaxe hai moito tempo, e agora xa podemos dicir que é definitivo. Tan definitivo como que temos billetes de avión para cruzar o océano con dúas compañías diferentes! Se falla unha sempre teremos a outra...
Vou explicar un pouco esta historia extraña. O plano inicial era voar coa famosa Varig, pero unha vez mais a compañía deixoume tirado: suspenderon os voos a Madrid no mes de marzo. Como plano B, decidimos comprar billetes con Iberia, que estaban a un bo prezo. Pero novamente a Varig nos sorprendeu, ofrecéndonos a alternativa de viaxar a Madrid vía París. Todo apunta a que cancelaremos os billetes de Iberia e quedaremos cos da compañía brasileira... se non anula a viaxe antes!
Irei informando das datas exactas, de momento só podo asegurar que o 7 de xullo estaremos en Madrid. Ide facendo un oco nas vosas axendas!