Felomenal!

Estábamos a pasear polo distrito de Sousas en Campinas, cando de súpeto oimos cantar un gol.
Ao achegarnos ao bar máis próximo vimos esta imaxe que compartimos cos nosos lectores.

A volta de Ronaldo ao fútbol brasileiro xerou unha grande expectación, e o seu primeiro gol en competición era moi agardado. Nese momento, co partido case acabado, marcou. E incluso nun pequeno bar do interior do Estado, houbo quen celebrase moito esta pequena conquista.

A figura do Fenômeno alimenta moitos xornais e conversas neste país. Desta vez, polo menos, foi por motivos deportivos.