Paralelas que se encontram

As aventuras de uma carioca, um galego e um gato maluco na maior cidade da América Latina - e no primeiro blog galego-brasileiro!

quinta-feira, 26 de fevereiro de 2009

Pra tudo se acabar na quarta feira

O Carnaval pasou diante dos nosos ollos e agora xa vai saindo polo extremo da semana. Teoricamente xa rematou, pero nesta fin de semana aínda ten algunhas reminiscencias co famoso "Desfile das campeãs".
E quen son as campionas? Onte foi divulgado o resultado do Rio, onde a Salgueiro deu o espectáculo, e anteonte o de São Paulo. Aquí a escola do noso barrio, a Vai-Vai, sempre parte como favorita. Este ano ademais era a vixente campiona, e presentaba un enredo moi ben deseñado. Nas votacións foi un man a man entre ela e a Mocidade Alegre dos que poucas veces se ven. Chegando ao último xurado, a Vai-Vai tiña a oportunidade de facer o bicampionato cunha nota 10 para a súa alegoria. Pero a nota, a penúltima do reconto, non foi esa.
Juliana celebrou, máis que nada lembrando os eventos do ano pasado. Eu quería que a Vai-Vai gañase por aquel sentimento barrístico que todos temos, pero ao final preferín que a festa fose no barrio do Limão.

Nenhum comentário: