Samba do avião

Chamádeme oportunista, pero os sucesos de hoxe piden que escriba algo. Refírome ao dobre desaparecimento da General Motors e do avión da Air France.

O dos coches víase vir dende había tempo. Non é que me alegre, pero está ben para que algunhas persoas abran os ollos e vexan que hai outras formas de facer as cousas dentro do mundo dos negocios.

Tampouco vou pórme eu a dar leccións de administración de empresa, ainda que teño algunha formación na materia. Pero no que son experto realmente é no segundo asunto: voos transoceánicos.

No caso dos avións non sei se dicir que se vía vir... Pero non se pode dicir que sexa inesperado. Con este xa son 4 os accidentes de aviación graves nos últimos anos. Lembrando:

• Setembro de 2006: Voo Gol 1907. 154 mortos (2º pior accidente da historia da aviación brasileira)
  
• Xullo de 2007: Voo Tam 3054. 199 mortos (O pior accidente da historia do Brasil)
• Agosto de 2008: Voo Spanair 5022. 153 mortos
• Xuño de 2009: Voo Air France 447. 228 desaparecidos. (E si, alguén xa fixo unha entrada na wikipedia sobre o asunto).
  

E cal é a miña conclusión? Pois que neste ano xa non vai haber máis accidentes graves, aproveitade para viaxer antes de decembro! Bromas aparte, estes sucesos danse por unha suma de fatalidades e son unha porcentaxe insignificante se comparamos co total de voos existentes. Que ninguén deixe de "cruzar o charco" por isto.