Calouros

Con esta palabra son denominados aqueles estudantes que comezan na universidade. Cando se introduce esta palabra no google, aparecen fotos de individuos da seguinte guisa.

Parecen felices, verdade? Non sería o meu caso, se no primeiro día de facultade acabase pintado de pés a cabeza. Afortunadamente só afecta a cursos de graduación.

Esta e outras actividades de dubidoso sentido do humor son feitas como recibimento aos novos universitarios. E o peor é que eles parecen aceptalo de bo grado, polo menos na maioría dos casos.

Como excepción apareceu unha noticia no xornal durante esta semana. Un alumno que se negou a someterse a este tipo de tortura moderna recibiu outra máis tradicional: unha malleira. En xeral parece mellor aceptar o da pintura, non si?

As bromas rozan case sempre o pesado, pero hai outras máis leves. A máis simpática é a venda de bicos. Xa sei que as transaccións económicas relacionadas co amor reciben outro nome, pero neste caso non pasa disto... ou polo menos ata onde eu sei. Non é o único que se vende. Ás veces véndese unicamente a comicidade do calouro frente os indiferentes conductores parados no semáforo de turno.

E que se fai co diñeiro que se obtén destas vendas? Todo isto ten un noble obxetivo final: financiar a borracheira dos alumnos máis vellos que monitoran estas actividades.